Misteri blog ini.... Menyelesaikan tag

Tag dah lamo peram, tak sompek nak buek. Thousand apology Ms Iszan....

--------------------------

Misteri kewujudan blog

(jangan biarkan hidup anda diselubungi misteri..huhu..nie den tambah)

Apakah nama blog anda sekarang dan kenapa anda memilih nama itu?

...Blog nie den boghi namo "Life in Brisbane". Den nie, ado la cito-cito nak jadi penulis, tapi casual laa...nuleh utk suko2. Jadi seblom "Life in Brisbane", den dah start membebel kek "Blogging Ala Mode"(den dah lamo tak update blog tu, dibiarkan sopi), den nie kuek bebel. Tapi blog tu hanyo kengkawan rapat yo tau (den la yg gi tau :p), maso tu penulisan pun lobeh kepado konteks peribadi, konteks pun kocik yo, oghang kato macam kelilingi bahu ajo la... tak jauh pun. Entry pun tak banyak, maso tu kigho trial run laaa..

Jadi, bilo den sampai sini, nak continue nuleh kehidupan kek Brisbane dlm blog lamo tu cam tak sesuai. Den pun meng"create" satu blog khas. Maso tu, den nuleh untuk kongsi cito ngan keluargo n kengkawan yang ado kek Mesia, mahupun luar Mesia. Biaso la kan, bila berado kek negagho asing, mesti oghang nak tau macam2 kan; makan camno, oghang2 kek sini camno, study camno kan. Jadi, bilo oghang nak tau khaba kami, den kasi yo link ni...."haa....korang baco kek sini yo..." hehehhehe... sonang yo tak?

Mulo tu, cito2 kami menyesuaikan diri kek sini, skrang nie bnyak cito kehidupan kek sini. Awal2 tahun tu, banyak cito pasa rindu kampung halaman, keluargo, kengkawan. Tapi skrang den dah kobal dah...ahahah..kato oghang "alah biso tegal biaso", yo tak. eh biso bona :p

Eh tadi tanyo napo pilih namo nie yo....ala... maleh nak pikir panjang...den lotak yo "Life in Brisbane" ....


Apakah link blog anda sekarang dan bagaimana boleh timbul idea untuk menamakannya seperti itu?

...aaaa tuuuuu, kek address bar tuuu.... fazidbrisbanestory.blogspot.com .... fazid tu namo glamo den (glamo you)... dan sobab den nuleh cito kehidupan kek kota Brisbane nie, jadi la fazid-brisbane-story....blogspot.com tu tau apo kan..ahahhahaha... den guno free hosting yo :D


Apakah 'method' penulisan dalam blog anda?

...method penulisan ??? nie susah nak jawab nie.... den ghaso la, tak do apo-apo kekdah, den nuleh gitu yo...takdo cagho yg totap... tapi den cubo sedayo upayo nuleh dlm bahasa inggeris. tujuan nyo satu yo, nak membantu den nuleh tesis, pakso den memikir dlm bahasa inggeris... takdo niat lain do... kadang2 nuleh melayu, ikut keadaan... (tapi bilo nuleh melayu, tup tup kuar bahaso noghori pulak....dah budak minang, nak buek camno yo tak)


Pernah terasa nak hapuskan blog anda? Sebabnya?

....hapus tu.... tak do... tapi kadang2 ghaso jomu tu ado...hehehehhe...


Apakah pendapat anda mengenai blog kepada pemilik blog yang tag anda ni?

... Ms Iszan, den kona di alam cyber ni laa... blog-hopping. cara penulisan dio yang menarik bagi den, sempoi. den bleh ghaso Ms Iszan cito dari hati, bilo bengang, den bleh teghaso bahang nyo, bilo sodih, den teghaso sayu nyo, bilo dia ghaso bersalah (bilo dio spend lebih), den bleh teghaso insaf tapi enggak mau nyo...wakakakakka (jangan mara babe)....tapi bilo dia cito pasal anak nyo si naupal, den akan emo teringat anak2 den.... tu apo yg den ghaso pasal blog Ms Iszan yo....

Jadi bilo aritu, Ms Iszan cuti dari menuleh, kurang la sumbo pembacaan den.... babe ko jgn berhenti terus ok....


Senaraikan 5 orang yang akan anda tag

...part nie den kughang goma skit....bukan apo, den tak nak menambah komitmen kengkawan sumo...masing2 ada tanggungjawab yg lagi ponting kan... apo2 pun, kalau kengkawan ilang punco nak nuleh...nak buek...buek la yo...takdo paksaan, den tak kocik ati do...

*Liza* *MsTaj* *Jas* *Cikgu Jane* *Kakty (kalau tak buat lagi..rasa macam dah baca)* *Neeza (kalau tak buat lagi)* dan den tambah lagi sorang *mummy Yaeesh*

kengkawan yang lain pun silo la yo....

gitu la kisah seadonyo.... kan den dah cakap den kuek bebel :p